Aube Nouvelle

Saynète composée par Philippe Leleux
Dins s’tchot moéson d’Sant-Leu à Anmiens, Sandrine avuc Tchot Blaise qu’is orbey’tt’ à l’éfnêt.

O-z inteind au loin : “Tertous einsembe ! Tertous einsembe ! Ouè ! Ouè !”
Sandrine
Bê ! L’vlo qu’i reinte ! On ll’inteind d’ichi qu’i l’est coère à ch’coin dé l’rue “d’el Tcheu d’vac” 1.

Tchot Blaise
Hé bien, s’il fait tous les bars de la rue, il n’est pas encore là !
Sandrine
I n’i o mi d’danger Tchot Blaise, i s’arrêtro mi boère in ballon à troès ouéros chinquante dins in attrap-touriss ed Sant-Leu !
Tchot Blaise
Dis-moi Sandrine, c’est bien la première fois que j’entends Lafleur revenir du boulot si guilleret, lui qui déprime depuis que Papa Tchutchu lui a trouvé une place à l’usine.
Sandrine
I feut dire qu’i l’o foét jouer ses r’lations por i don-ner ch’tra’ail lò; i n’avoét point d’eut’ moéyin por qu’éch ch’Lafleur i poêye chés loéyers in r’tard.

O-z inteind ch’Lafleur qu’i l’arrive in dgeulant
Lafleur
“Tertous einsembe ! Tertous einsembe ! Ouè! Ouè !”
Sandrine
Dins qué l’état d’énervémeint qu’i s’est mis coère ém’n honme ! Ch’est bien l’preinmiére foés qué jé l’voés si hureux ed pus in moés.
Lafleur
Bein t’es lò Tchot-Blaise ! Coère dains chés cotrons d’ém fanme peindint qu’tin anmi ed’tojours i s’tue à l’ouvrache !
Tchot Blaise
Oh non Lafleur ! Je venais prendre de tes nouvelles, on m’a dit que tu avais le moral dans les chaussettes.
Lafleur
Min moral, Tchot Blaise, l’est ach plus haut ! El preuve : je r’torne ach tra’ail ! Sandrine ! Prépare-mi à boère pis à matcher, jé r’pars à m’n’usine !
Sandrine
Cho vo point bien Lafleur ?
(A ch’l’érelle ed Tchot Blaise) i vo faloér tcheur ch’mét’çan, i doét avoèr d’el fieuve por ertorner tra’ailler in cantant des ân-n’ries.
Lafleur
Dépèch’té Sandrine! Chés camarats, i m’atteind’tt’ por ch’pitchet d’grèfe, feut point léssier intrer chés traît’es ed jon-nes.
Sandrine
Vite Tchot-Blaise! Vo tcheur ch’mét’çant, chés coère pu grinmint grafe! El fieuve al l’o reindu fin fou.
Lafleur
Mi ! J’ai mi d’fieuve Sandrine ! Tu compreinds orien d’orien, j’té dis qu’ch’est l’grèfe !
Sandrine
Quoé !! T’o a pein-ne ecmeinché pis tu vos t’arrêter ! Ch’est chés méteux d’fu d’sindicat qui t’ont mis cho dins t’caboche ? Quoé qu’ch’est qui vo dire Papa-Tchutchu quand qui l’apprindro cho ? Li qui s’a démené por ti.
Lafleur
Tu reuves coère Sandrine, ch’ti-lòl, tout ch’qui vut, ch’est des sous. (Lafleur dréche s’ganme)… Et pis ch’est mi ses r’lations : chés anciens pis chés nouvieux élus, qui m’impêtch’rons d’ortreuver mes viux camarats !
Sandrine
Por boère et pis matcher mes seucisses in dgeulant des canchons d’mawoés pis surtout n’orien foère, bin j’te r’connoé bien lò em n’honme !
Lafleur
Tu y’es mi m’fanme, ch’est por impêtcher ch’patron d’voler chés presses pis chés outieux dés quo zérons nou tchus or’tornès.
Sandrine
Chò y’est ! Es fieuve al ormont ! Porquoé qu’tin patron vol’roét chés outieux pusqué ch’est à li ?
Lafleur
Bin ! Por eszés métt’ dains des poéyïs ouéch équ’chés ouveuriers y sont coér bien pus misères.
Tchot Blaise
Alors, vous allez occuper l’usine Lafleur ?
Lafleur
Tertous einsembe, Tchot Blaise !… Sandrine! Ouéch éq qu’ch’est qu’to mis chés couvertes, mein vo point coutcher àl moéson !
Sandrine
à leu plache !
Lafleur
Vite Sandrine ! Né m’foés point boullir, chés camarat i vont m’atteinde… Bê ! V’lò ch’diab’e ed proprio…

Papa Tchutchu congne al port’épis i reint’
Papa Tchutchu
Alors Lafleur, on dirait que le travail te va bien, tu as l’air en pleine forme !
Lafleur
O put point miu ! O foét meinme el grêfe por qu’i resse ichi ! Vou anmi ch’patron, i vut délotchaliser !
Papa Tchutchu
ça m’étonnerait Lafleur, le Conseil Régional et la Mairie lui ont donné l’argent du contribuable pour qu’il s’implante à Amiens ! Il doit rester ici !
Lafleur
Bê justemint ! à ch’teur qu’is ont ieu chés sous, y o pus orien qu’i z’ortiend. Is peutt’é s’innaller avuc el t’chaisse !
Tchot Blaise
En tirant en l’air comme des bandits Lafleur !
Lafleur
Bon! mi, j’ai mi pus l’temps ed distchutailler avuc vous eutes (Lafleur er’dréche s’ganme), labòs is ont d’zoin d’em ganme por erpousser chés cadoreux qu’el préfecture al vo invoyé !
Sandrine
T’os mi assez dins tin pain-nier por ét’nir in siège. Os orvinrons avuc Tchot-Blaise por t’el reimplir…
Tertous in tchœur
“Tertous einsembe ! Tertous einsembe ! Ouè ! Ouè !”  
Lexique :

anmi : ami / boullir : bouillir / cadoreux : gendarmes
congner : cogner / cotron : jupon / couverte : couverture
diab’e : diable / drécher : dresser / éfnêt : fenêtre / érelles : oreille
fanme : femme / fieuve : fièvre / ganme : jambe / grèfe : grève
jon-ne : jaune / mawoés : mauvais / meinme : même
mét’çant : médecin / moés : mois / orbeyer : regarder / plache : place
r’torner : retourner / tcheur : chercher / tra’ail : travail /  traît’e : traître